rokkið blessi heimilið

Hafir þú einhvern tímann leitt hugann að því hvernig lýðnetið (internetið) varð til ætti þetta myndband að varpa einhverju ljósi á það.

Myndbandið var að minnsta kosti ágætis upprifjun fyrir mig.

Mér finnst þetta fyndið:

(via http://www.osnews.com/story/19266/WTFs_m)

http://www.rainymood.com/

Kósí stemmning í heddfónunum. Rainy Mood spilar rigningarhljóð með daufum þrumum í lykkju. Alveg agalega afslappandi.

Ég var kominn með svo agalegan hlandspreng eftir 2 mínútur að ég varð að slökkva

Ótrúlega töff myndir af snjókornum sem sýna ótrúleg smáatriði.

http://www.webdesignerdepot.com/2009/12/incredible-examples-of-snowflake-photography/

Mér var að hlotnast 8 16 24 stk invite á google wave.

Ef þú hefur áhuga, settu þá nafn og gmail netfang í athugasemd, og ég skal alvarlega íhuga að senda þér invite.

Ekki setja att merkið, @, ef þú vilt komast hjá ruslpósti. Settu “nafn hjá gmail punktur com”.

21 eftir

Ég fékk aðgang að Google Wave um daginn. Guðni vinnufélagi fékk aðgang sama dag og við gerðum nokkrar prufur en mér finnst enn vanta að geta prófað þetta með stærri hóp. Bíð og vona að mér hlotnist invite til að dreifa en á meðan get ég svo sem gluggað í Wave leiðbeiningarnar sem meistararnir hjá Lifehacker voru að gefa út.

Þetta lítur út fyrir að vera nokkuð spennandi og það er ekki spurning að þetta væri frábært vinnutól í litlu fyrirtæki.

Vinnufélagi minn benti mér á bloggfærslu á mánudaginn var þar sem höfundur bauð upp á boð (e. invite) í nýjasta nýtt frá Google: Google Wave. Google Wave er samvinnutól (e. collaboration tool) sem virkar eins og tölvupóstur, skjöl og spjall – allt í einum pakka. Samskipti eiga sér stað á rauntíma sem gerir þau fyrir vikið mun hraðvirkari en hefðbundinn tölvupóstur.

Ég setti inn athugasemd hjá höfðingjanum sem skrifaði færsluna og bað um invite. Í morgun beið mín póstur í gmail þar sem invite-ið hafði loksins skilað sér.

Hugmyndin á bak við Wave er afar snjöll en vitanlega er Wave-ið gagnslaust ef ég á enga tengiliði. Úr því bætist þegar vinnufélagarnir poppa inn og ég vonast til að fá einhverjum invite-um úthlutað svo ég geti boðið þeim sem ég þekki. Ef heppnin verður með mér og mér hlotnast invite til að dreifa mun ég setja það inn hér.

Þangað til verð ég einn á Google Wave )

Rakst á þennan link hjá Matthíasi (orvitinn.com, upprunaleg færsla).

Hægt er að súmma myndina inn, alveg niður á atóm. Alveg magnað.

Sjáið sjálf: http://learn.genetics.utah.edu/content/begin/cells/scale/

Hýsillinn minn í USA fór í kleinu fyrir einhverjum dögum síðan. Serverinn hjá þeim fór niður, gögn skemmdust, þannig það þurfti að setja upp afrit þegar þeir lagfærðu skítinn eftir sig.

Í endurreisnarferli skitu þeir aftur upp á bak og settu upp afrit á svæðið mitt sem enginn veit hvaðan kom. Því kom þessi frábæra síða með textanum “Boom! …and it’s gone” þegar jonoskar.net var kallað fram í vafra.

Það þurfti ekki minna en 2 samtöl við þjónustufulltrúa til að koma hlutunum í lag – að ég fengi allt klabbið upp aftur.

Sem betur fer var ég búinn að vera latur við að uppfæra undanfarið, annars hefði ég líklega tapað einhverjum færslum/myndum.

Eftir þessa bitru reynslu ákvað ég endanlega að færa mig burt frá USA hýslinum (brinkster.com). Ég ætla að hýsa innanlands, jafnvel koma mér upp hýsli heima og sjá um þetta sjálfur. Er búinn að spyrja Gretti félaga minn spjörunum úr varðandi sjálfhýsingu; hann er sjálfs síns herra og hýsir blogg og myndavef sjálfur undir grettir.net.

Þetta setup er orðið sérstaklega freistandi sérstaklega í þessi árferði. Dollarinn hefur hækkað um meira en 100% síðan ég keypti hýsinguna í bandaríkjunum fyrst svo þetta er gráupplagt tækifæri á að spara við sig í upplýsingatæknimálum.