Jæja, nú erum við búin að fara í tvær útilegur og erum við algjörlega komin með útilegudellu. Fyrri helgina fórum við í Laugarás en Ómar og Jessý og Gestur og fjölskylda komu með okkur. Þetta var svakalega fín helgi og ágætisveður fyrir utan smá úrhellir á laugardeginum. Við fórum tvisvar í sund í Reykholti og var Eva Þórey alveg í skýjunum með það. Einn daginn þegar við vorum á leiðinni í sund þá var Eva Þórey máluð en hún fékk smá maskara, augnskugga og gloss hjá Jessý. Allt í einu segir hún við systur sína aftur í ,,Þetta er allt í lagi Ásdís mín, þú þarft ekkert að vera hrædd, þetta er bara hún Eva Þórey systir þín, ég er bara máluð”. Við vissum ekki hvert við ætluðum við grenjuðum svo úr hlátri. Henni fannst hún svo breytt að hún var alveg viss um að systir hennar myndi ekki þekkja hana.
Seinni helgina tjölduðum við hjá Seljalandsfossi eða í Hamragörðum. Ekkert smá flott tjaldsvæði og allt svo flott í kring. Gestur og fjölskylda vorum með í för ásamt Grétari og Júlíönu og Guðna Gesti og krökkum. Í þessari ferð var ýmislegt skoðað og byrjuðum við á því á laugardeginum að skoða Skógarfoss en hann er ekkert smá fallegur. Þegar leið á daginn ákváðum við vegna hvassviðris á tjaldsvæðinuað fá okkur rúnt inn í Þórsmörk. Við fjölskyldan fengum að fljóta með Gesti á hans jeppa og var þetta ekkert smá skemmtileg og ævintýraleg ferð. Á laugardagskvöldinu var svo varla hægt að grilla út af roki en það tókst á endanum og fengu allir hálfgerða miðnætursteik.
Þessa helgi tókum við svo frí frá útilegum þar sem ég var að gæsa Heiðu systir en hún er að fara að gifta sig 28. júlí. Þetta var alveg frábær dagur og grunaði hana ekki neitt sem betur fer. Við biðum í grasagarðinum eftir henni þar sem Egill náði að plata hana þangað til að skoða hugsanlega brúðarmyndatöku. Heiða var ekkert smá hissa að sjá okkur þar og var henni efst í hugsun þegar hún sá okkur .. hvað eru þær að gera hér saman, þvílík tilviljun”, datt ekkert í hug að við værum að gæsa hana. Fórum svo með hana á miðilsfund og svo í Bláa Lónið í nudd og fínerí. Enduðum svo hjá Rakel vinkonu Heiðu í grilli og fjöri.
Vorum að setja inn myndir í albúmið. Skuldum enn nokkuð þangað inn – en það kemur!
Nýlegar athugasemdir