Helena fór með Ásdísi Karen í heimsókn til tannlæknisins í gær og í ljós komu tvær litlar skemmdir sem þurfti að laga.
Sú stutta lét það ekki á sig fá og fannst lítið mál að liggja flöt í stólnum með ginið gapandi meðan tannlæknirinn athafnaði sig – hún kveinkaði sér ekki einu sinni.
Að launum fyrir hetjudáðina fékk hún að velja úr dótakörfunni hjá tannlækninum: forláta hring með litríku epli. Hún varð meira að segja að fá að hringja hjá mömmu sinni í mig í vinnuna og segja mér frá þessu, svo spennt og ánægð var hún eftir heimsóknina.
Mikið væri gott ef tannlæknaheimsóknir í framtíðinni (sem verða vonandi ekki margar) yrðu svona lítið mál.
Nýlegar athugasemdir