Ég er búinn að vera berjast við að koma GMail forritinu í símann hjá mér, Nokia E65, í langan tíma. Var vitaskuld búinn að leita frá mér allt vit á google en varð ekkert ágengt.
Síminn er reyndar búinn að vera í viðgerð en ég fékk hann loksins til baka í morgun. Reyndi þá aftur að setja gmail forritið upp en varð ekkert ágengt sem áður.
Þúsundasta google leitin skilaði loksins árangri, trixið var að niðra* uppsetningarforritinu á tölvuna, senda það í símann með bluetooth og voila – gjemli kominn með gmail forritið á símann.
Lausnin reyndist falin í athugasemdum hér.
Það er ekki eins og ég þurfi að fylgjast með gmail pósthólfinu til að missa ekki af mikilvægum póstum – gmail í símanum er bara töff.
* snillingurinn og fréttaritari RÚV á Spáni, Kristinn R. Ólafsson, þýddi enska orðið download á þessa vegu.
Nýlegar athugasemdir