Helena gaf mér þrífót í jólagjöf. Ég var búinn að nöldra lengi um að ef ég ætti þrífót þá gæti ég prófað mig áfram með ljósmyndadelluna. Fyrsta eldraun þrífótsins var á gamlárskvöld og tók ég meðal annarra flugeldamyndina í færslunni hér á undan með myndavélina á honum.
Skaust út í gærkveldi á gangstíginn hér rétt hjá og prófaði mig áfram með myndatöku af stjörnubjörtum himni. Reyndar var fullt tungl þannig birtan/rökkrið var ekki upp á sig besta en þessar tvær fannst mér skástar. Á fyrri myndinni var myndavélinni beint í átt að Geitafelli – ljósbjarminn sem kemur upp frá fjöllunum eru ljós frá Reykjavík. Seinni myndin er af kofanum með túnglið drottnandi yfir.
Ljósop: f/6.3 | Lýsingartími: 30 sec | ISO: 400 | Brennivídd: 18mm
Ljósop: f/7.1 | Lýsingartími: 25 sec | ISO: 200 | Brennivídd: 18mm
Nýlegar athugasemdir