Hafnardagar byrjuðu í gær með tónleikum Bubba Morthens í Ráðhúskaffi.
Hér er hverfum skipt í liti og við erum svo lukkuleg að vera í rauða hverfinu (sem er jú alræmt hverfi í Amsterdam). Í kvöld var smalað í skrúðgöngur klukkan átta og hverfin sameinuðust í skrúðgarðinum þar sem spilað var og trallað í rigningarúða en þess utan ágætis veðri.
Eftir samfellda áskrift í áraraðir að stöð 2 tókum við stökkið; klipptum á naflastrenginn og hættum með áskriftina (amk í sumar). Um leið hættum við með stöð 2 sport 2 (enska boltann) enda ekkert varið í efnið sem sýnt er þar á sumrin. Þess fyrir utan er áskriftargjaldið svívirðilegt okur og þetta er óþarfa lúxus á tímum sem þessum.
Við horfum afskaplega lítið á sjónvarp á sumrin, nema þá kannski um helgar. Það er því ansi blóðugt að borga þúsundir króna í áskrift að sjónvarpsefni sem við horfum aldrei á.
Ég er að vona að við finnum ekki löngun til að taka áskrift aftur í haust – þó það sé sérstaklega freistandi vegna enska boltans. Vona að gamla góða RÚV eða Skjárinn verði með eitthvað djúsí efni – nú já eða Lýðnetið.
Ég fékk lánaða linsu hjá vinnufélaga sem ég notaði í brúðkaupi Gests bróður um helgina.
Fór með linsuna aftur í morgun og skilaði henni og tók þessa mynd við það tækifæri útum gluggann í vinnunni. Henti henni í gegnum Lightroom og gerði svarthvíta. Nokkuð sáttur við útkomuna.
Hallgrímskirkjuturn og ca. helmingur af MR
Af óviðráðanlegum orsökum er bilun í myndavefnum hjá okkur. Unnið er að viðgerð (þegar ég hef tíma).
Beðist er velvirðingar á þeim óþægindum er þetta kann að valda.
Nýlegar athugasemdir