rokkið blessi heimilið

Litla systir mín varð þrítug í dag, sem segir bara eitt, ég hlýt að vera orðin eldri. Auðvitað kíktum við í heimsókn til hennar á sjálfan afmælisdaginn og fengum þessar dýrindis kræsingar, takk fyrir okkur. Til hamingju með afmælið Heiða og njóttu þess að vera þrítug

Annars erum við á leiðinni til Grindavíkur á morgun í annað afmæli en Jenný Geirdal er að halda upp á 6 ára afmælið sitt. Langt síðan við höfum kíkt til Grindavíkur. Svo er Eva Þórey að fara í þriðja afmælið á laugardaginn en þá á besta vinkona hennar afmæli, hún Dagrún Inga. Þannig að það er nóg að gera í afmælum þessa páskahelgi

Gleðilega páska og hafið það sem allra best um helgina.

-Helena

Ásdís Karen er búin að vera lasin síðan á aðfaranótt mánudags, með hita og almenn óþægindi sem fylgja slíkum veikindum. Eva Þórey var að veikjast nú í nótt.

Það er eins gott að Heilsutvennan frá Lýsi geri sitt gagn. Ég nenni ekki að veikjast.

Til hamingju með afmælið elsku mamma okkar (…og unnusta ) )

Við brugðum okkur bæjarferð og fengum okkur að borða á Ruby Tuesdays, þar sem meðfylgandi mynd var tekin af afmælisbarninu gæða sér á kræsingum.

Knús og kossar,
Jón Óskar, Eva Þórey og Ásdís Karen