Elsku amma Veiga!
Til hamingju með afmælið þitt.
Hafðu það gott í dag.
Kveðja,
Eva Þórey og Ásdís Karen
p.s. það er komið nýtt myndaalbúm
Færslur í May 2006
Eva Þórey fjörkálfur :)
Það er búið að vera svo gott veður undanfarið að Eva Þórey sést varla inni. Hún notar hvert tækifæri til að komast út sem er bara besta mál, enda er hún uppgefin á kvöldin og sofnar alveg um leið og hún fer upp í rúm.
Þeir sem þekkja Evu Þóreyju vita að hún getur verið svolítið uppátækjasöm (já eða kannski aðeins meira en svolítið). Í síðustu viku kom vinkona hennar með mömmu sinni og systur að selja klósettpappír. Þetta er auðvitað draumurinn hjá henni að ganga í hús og selja eitthvað, svo hún var fljót að átta sig. Þegar þær fóru fór ég aftur að elda og Jón Óskar að sjá um Ásdísi. En allt í einu þá heyrum við ekkert í Evu Þórey og förum að kalla á hana en fáum ekkert svar. Okkur datt auðvitað strax í hug hvert hún hefði farið. Jón Óskar fer út að leita og finnur hana fljótlega í þarnæstu götu að selja klósettpappír. Hún hefur sko verið fljót að læðast út á meðan við sáum ekki til og hlaupa til stelpnanna og sagði síðan mömmu þeirra að við hefðum sko alveg leyft þetta.
Yngri prinsessan á heimilinu fékk hita á fimmtudaginn og kvef. Hún ætlar að greinilega að ná sér í allt sem er að ganga. Samt held ég að þetta sé eitthvað tengt tönninni sem er að koma en hún er mjög bólgin í gómnum. Það er líka löngu kominn tími á þessa tönn, hinar komu í einni bunu en þessi lætur bíða eftir sér og líka finna vel fyrir sér. Ásdís er nú samt öll að hressast, hitalaus en svolítið pirruð enda held ég að það sé ekkert þægilegt að taka tennur.
kveðja, Helena
p.s. endilega horfið á Kompás í kvöld því litla frænka okkar hún Bryndís Eva verður í þættinum og auðvitað mamma hennar og pabbi með mál sem snertir okkur öll.
Knús til ykkar Hjörleifur, Bebba og Bryndís Eva, þið eruð ótrúlega dugleg.
NEI!
Við eigum EKKI von á 3ja barninu, við stöndum EKKI í húsakaupum, við erum EKKI að fara gifta okkur …(strax ;o))
“Stórfréttin” var í raun lítil tilraun sem við gerðum til að kanna viðbrögð hér á síðunni. Á teljara síðunnar sjáum við að það eru margir að fylgjast með en einungis örfáir þora að tjá sig eða skilja eftir kveðju – netleiðis alltént.
Glensið virðist hafa skilað sér í fleiri heimsóknum skv. teljaranum en feimnin enn jafn áberandi ;o)
Kommon, þið höfðuð nett gaman af þessu er það ekki ?
- Jón Óskar og Helena
P.S Veiga og Ómi eiga brúðkaupsafmæli í dag. Innilega til hamingju með daginn!!
Bryndís Eva 1 árs
Í dag þann 5. maí varð hún litla frænka hún Bryndís Eva 1 árs. Vonum ekkert heitar en að þú hafir átt góðan dag elsku Bryndís Eva okkar og hafi liðið vel. Bebba átti svo afmæli þann 3. maí. Til hamingju með afmælin mæðgur. Við hugsum stöðugt til ykkar.
Um síðustu helgi skruppum við til Keflavíkur í heimsókn. Bjarki bróðir var nýbúinn að fá trambolín og var það mikið notað þennan daginn. Eva Þórey og Aron Elvar frændi hennar sáust ekkert inni því það var svo gaman að hoppa á tramboíninu. Nú bíður Eva Þórey eftir því að afi Jói verði í landi í 2 daga í röð svo hún fái að fara til þeirra og gista.
Ásdís Karen er farin að babla meira og meira. Hún er loksins farin að segja mamma oftar en til hátíðarbrigða en hún hefur verið ansi sparsöm á þetta. Svo er það svo fyndið þegar fólk er að borða í kringum hana eða þegar hún sér mat þá rekur hún út úr sér tunguna og segir nammnammnamm, hún rekur tunguna langt út við hvert namm.
Eva Þórey er í algjöru uppáhaldi hjá henni enda eltir hún stóru systur hvert sem hún fer og hlær að nánast öllu sem hún gerir. Eva Þórey er líka svakalega dugleg við að fylgjast með henni og passa hana, stundum einum of 
Ég heyrði Evu Þórey syngja um daginn “og þá var kalt í höllinni höllinni höllinni og þá var kalt í höllinni, höllinni”.
Endilega fylgist vel með á næstu dögum því ég er að spá í að setja inn stórfrétt.
-Helena
Nýlegar athugasemdir