Jæja þá er komið að því að húsmóðirin á heimilinu fari út á vinnumarkaðinn. Já… ég er að fara byrja að vinna :/
Það var hringt í mig frá bæjarskrifstofunni og mér boðin vinna við að flokka og koma lag á skjöl og fleira sem mér líst bara mjög vel á. Svo er þetta svo fínn vinnutími eða frá 8-12. Veiga (tengdó) ætlar að vera með Ásdísi Karen sem betur fer því þá þarf hún ekki að fara til dagmömmu strax. Ég er búin að vera með hnút í maganum síðan ég fékk þessa vinnu því það verður erfitt að slíta naflastrenginn milli okkar mæðgna. Ég held að þetta verði erfiðara fyrir mig en hana.
Öll síðasta vika fór í kvef, hita og pirring hjá þeirri litlu. Byrjaði á mánudaginn með kvef og hita og er búin að vera kafna síðan úr kvefi. Ég held að þetta tengist eitthvað tönnunum sem eru á leiðinni en hún er mjög bólgin í gómnum með tilheyrandi pirrelsi. En hún er öll að koma til.
Eyrún mætti með skærin á fimmtudaginn og klippti Ásdísi Karen og gekk það mjög vel eins og alltaf enda þriðja klippingin hennar Ásdísar. Hárið var komið ofan í augu á henni svo það er svakaleg breyting á henni.
Við erum á fullu í aðlögun hjá Veigu þessa dagana og gengur bara vel. Á morgun ætla ég svo að prófa að fara frá henni í smá stund, vona að það gangi vel. Hún passar nefnilega alltaf upp á mig þegar við erum í heimsókn og má ég ekki fara of langt frá henni. En hún verður örugglega fljót að venjast þessu.
Okkur var boðið í mat hjá tengdó á laugardaginn og horfðum þar á megnið af júróvision. Eva Þórey var með það alveg á hreinu allan tímann að Silvía Nótt myndi vinna enda sagði hún þegar úrslitin urðu kunn “Ég sagði alveg rétt”. Hún kann orðið að syngja allt lagið og dansar með. En hún má samt ekki syngja eina línu í laginu sem er frekar dónaleg svo hún raular hana bara. Ásdís Karen er líka farin að þekkja þetta lag og brosir hún alltaf þegar það kemur í útvarpið og veifar hendinni (dansinn hennar).
Hann Aron Elvar frændi átti afmæli þann 11. febrúar, til hamingju með afmælið.
-Helena
Nýlegar athugasemdir