Jæja þá er litla prinsessan orðin 16 daga gömul og allt gengur vel. Hún þyngist vel og er voða róleg, ólíkt því sem við eigum að venjast því Eva Þórey var algjör andstæða við hana í þeim efnum. Hún sefur nánast alla nóttina, sem er algjör draumur (spurning bara hvað hann varir lengi).
Eva Þórey er svakalega dugleg enda má hún ekki heyra smá múkk frá þeirri litlu þá er hún rokin af stað til að athuga með hana. Hún hjálpar líka mikið til við að skipta á henni og setja hana í önnur föt. Hún er líka orðin svo stór að hún heldur að hún megi allt. Daginn eftir að við komum heim af sjúkrahúsinu þá spurði hún pabba sinn hvort hún mætti ekki fara út og pabbi hennar sagði það vera í lagi og þá spurði hún hvort hún mætti þá ekki hlaupa eitthvað í burtu þar sem hún væri orðin stóra systir 
)
Í gærkvöldi þegar hún var komin upp í rúm leit ég inn til hennar. Hún var þá að gefa dúkkunni sinni brjóst og gat því ekki farið að sofa strax. Ég var varla stigin inn í herbergið þegar hún reif dúkkuna frá og þóttist ekkert hafa verið að gera, alveg ótrúlegt hverju þessi börn taka upp á!
Við höfum ákveðið að hætta að skrifa í nafni Evu Þóreyjar eftir að fjölskyldan stækkaði og stefnan er að koma með nýja síðu tileinkaðri allri fjölskyldunni – vonandi sem fyrst!
kv.
Helena
Nýlegar athugasemdir