Við fórum á Eyrarbakka á laugardaginn en þá var haldin hin árlega Jónsmessuhátíð. Við vorum nú ekkert voðalega spennt þetta árið því veðrið var svo leiðinlegt. En við ákváðum að drífa okkur á brennuna sem byrjaði klukkan 22 og eftir það rættist aðeins úr veðrinu eða allavega létum við það ekkert á okkur fá. Mér fannst brennan mjög spennandi en var náttúrulega orðin svolítið þreytt, því það var löngu komið yfir minn háttatíma. Mamma fór með mig heim til afa Kalla en hann var að passa mig og Söru og Sylvíu því mamma og pabbi fóru aftur á hátíðina.
Við fórum svo líka til ömmu og afa í Þorlákshöfn um helgina. Þau gáfu mér litla veiðistöng svo ég geti farið að veiða með pabba. Ég var mikið ánægð með hana og vildi varla sleppa henni, nú bíð ég bara eftir tækifæri til að geta notað hana.
Nú erum við mamma komnar í sumarfrí og þá styttist nú í að við förum til Spánar, jibbbbí 
)
sjáumst, Eva Þórey
Nýlegar athugasemdir