Við vorum að setja inn heil 2 albúm í myndasafnið mitt. Annað inniheldur myndir sem teknar voru af Línu Langsokk (sko mér), og í hinu eru myndir frá 2 útilegum sem við fjölskyldan fórum í síðasta sumar.
Munið bara að þessi nýju albúm eru neðst á síðunni!
kveðja,
Lína Langsokkur (Eva Þórey) 
)
Hún Rakel leikskólakonan mín hætti í dag. Ég á eftir að sakna hennar mikið og mamma líka. Ég gaf henni rós og svo var ég búin að teikna inní kort til hennar. Ég vona að henni gangi sem best í nýju vinnunni sinni.
Það var nú frekar fámennt á deildinni minni (Lundi) í dag ,því það voru um helmingur krakkanna veikir. Við fórum í langan göngutúr um hverfið og var ég frekar þreytt eftir það og svaf í einn og hálfan tíma á eftir.
Kveð að sinni, Eva Þórey
Jæja, nú er ég öll að hressast enda komin með nóg af þessum veikindum.
Það er ekki það skemmtilegasta að hanga heima með 40 stiga hita og niðurgang. En þetta er allt að koma því í dag var ég orðin hitalaus 
Hann Aron Elvar frændi minn hélt upp á afmælið sitt í dag og fórum við fjölskyldan til hans. Ég gaf honum skógarlíf-spólu og lítinn bíl. Það var næstum því eins og ég ætti líka afmæli því ég fékk líka pakka. Amma og afi á Eyrarbakka gáfu mér Línu Langsokk púsluspil og Erla langamma mín gaf mér ullarsokka og lego myndaramma. Þannig að ég fór hlaðin gjöfum heim úr afmælinu.
Jæja ætli það sé ekki best að fara að sofa núna því ég ætla að reyna að komast á leikskólann á morgun.
kveðja,
Eva Þórey
Ég vaknaði í morgun með ljótan hósta og með hita svo ég komst ekki í leikskólann í dag. Mamma var heima hjá mér. Við vorum að horfa á Ísöldina og svo perlaði ég hjarta handa ömmu á Eyrarbakka (en það er víst ónýtt núna því ég braut það óvart en ég ætla að perla annað seinna).
Það passaði akkúrat að þegar við erum heima á virkum degi þá þarf einhver að vera bora í íbúðinni sinni og ekki bara í smá stund heldur næstum því í allan dag. Við mamma vorum orðnar svolítið leiðar á þessum látum og ég var líka stundum pínu hrædd.
En nú er ég að verða þreytt svo ég segi bara góða nótt.
kveðja, Eva Þórey
Hann Aron Elvar frændi minn átti afmæli í gær. Hann er nú orðinn 3 ára. Ég hitti hann ekkert á afmælisdaginn því hann á heima svo langt í burtu í sveitinni (Bifröst). Ég held ég sé bara farin að sakna hans svolítið.
Annars er allt gott að frétta af mér. Það er dótadagur í leikskólanum mínum á morgun og hlakka ég mikið til, ég hugsa að ég taki hana Línu Langsokk með.
Á laugardaginn fer ég í pössun til ömmu og afa í Þorlákshöfn því mamma og pabbi eru að fara í afmæli. Svo það verður gaman hjá mér um helgina.
Kveðja, Eva Þórey
Nýlegar athugasemdir