rokkið blessi heimilið

Frænkur mínar þær Sara Margrét, Sylvía Björk og Heiðrún komu til landsins í dag frá Ítalíu. Þær ætla að vera á Eyrarbakka yfir jólin. Ég, mamma og pabbi hlökkum mikið til að sjá þær því við höfum ekki hitt þær síðan í mars.

Verið velkomnar til landsins.

Hann Aron Elvar frændi minn kom í heimsókn í gær. Mamma var að baka allan daginn og vissi varla af okkur á meðan því við vorum svo stillt. Við vorum að leika okkur með dótið mitt og horfðum síðan á Stubbana, það var mjög gaman.

leiðindi núna í gangi. vaknaði þyrst klukkan 6 í morgun og gubbaði yfir koddann minn. þetta er víst að ganga eins og eldur um sinu, þessi ólukkans ælupest.

dagurinn var því skipaður þessu, gubb og svefn til skiptis, ég óska ekki neinum það að lenda í þessu. en þegar líða tók á daginn fór ég að hressast, ég og mamma töluðum við pabba á messengernum (aðallega mamma samt) því hann er búinn að vera að vinna frameftir öll kvöld núna (reyndar eiginlega allt árið (

svo hringdi ég líka í snjólaugu ömmu og sagði henni allt af létta, reif símann af mömmu svona rétt til að ítreka það við ömmu.

en mig langar samt að óska jóa afa í keflavík til hamingju með afmælið, sem var reyndar 20. nóvember. málið er að mamma og pabbi voru í útlöndum þessa helgi og svo er búið að vera eitthvað bilerí á vefnum mínum: Til hamingju með afmælið elsku afi!

kveðja,
eva þórey

Ég, mamma og pabbi fenguð klippingu í gær. Hún Anna Þórdís kom heim til okkar og klippti okkur öll enda orðin svaka fín núna

Þetta var í fyrsta skipti sem ég er klippt og ég kvarta ekki og kveina allan tímann, kominn svo sem tími til þar sem maður er orðinn 2ja ára. Anna Þórdis setti litla fléttu í hárið mitt og ég var svo montin að ég heimtaði að sofa með hana.

Nú er ekki nema rúm vika þangað til mamma og pabbi fara til útlanda, nánar tiltekið St. Johns á Nýfundnalandi (er það alltaf ný fundið???). Þau fara með fullt af fólki en þar á meðal eru Veiga amma, Ómi afi, Gestur frændi, Ása og Rabbi, Þóra, Gógó og Kjartan og fleiri. Þetta verður eflaust endalaust gaman hjá þeim, en ég verð hjá Snjólaugu ömmu, Kalla afa og Rögnu Kristínu frænku (á meira að segja sama afmælisdag og ég) á meðan.

Ég hlakka soldið til að fá þau til baka, sérstaklega þar sem þau ætla að kaupa eitthvað flott fyrir mig )

Annars er ég að reyna að hætta með bleyjuna um þessar mundir. Það gengur bara nokkuð vel þrátt fyrir nokkur minniháttar “slys” en svona gengur þetta bara.

þangað til næst, Eva Þórey

Ég er nú orðin ansi leið á öllum þeim pestum sem ganga á leikskólanum. Ein pestin rekur aðra en svona er þetta víst, þær koma nefnilega alltaf á haustin – þegar tekur að kólna eftir gott sumar. Og svo nebblega þegar maður er á stað þar sem er margt fólk er (eins og á leikskóla) þá fær maður allt saman! Spurning um að fara að taka lýsi??

Í fyrrinótt hélt ég vöku fyrir mömmu og pabba, gelti (hóstaði) eins og hvolpur nánast alla nóttina enda sofnuðu þau snemma í gærkveldi. Ég var líka eitthvað aum á leikskólanum en var öllu hressari í dag og fór í stuði á leikskólann.

Mamma er að fara á námskeið – eða fyrirlestur – í kvöld þannig að ég og pabbi verðum ein heima. Eigum örugglega eftir að gera eitthvað skemmtilegt saman, eins og að lesa Disney bækurnar mínar eða spila Colin McRae Rally 3 – alveg frábær bílaleikur (eða það finnst pabba allavegana!).

kveðja,
Eva Þórey

Sæl og blessuð öllsömul. Loksins er hann pabbi búinn með heimasíðuna mína, tók hann ekki nema ár að klára hana loksins!! Það tók hann nefnilega nokkrar atrennur að klára þetta, því hann var aldrei ánægður með þau uppköst sem hann gerði.

En að sjálfsögðu er ég hæstánægð með síðuna hjá honum. Hérna get ég sagt frá því sem á daga mína drífur auk þess að geta sýnt ykkur myndir af mér og það er aldrei að vita hvað pabba dettur í hug að bæta við…

Mamma og pabbi hafa lofað að vera dugleg að skrifa fyrir mig, því ég er ekki alveg viss á hvernig þessi lyklaborð virka!

Verið ekki feimin að skrifa í gestabókina mína, mig langar að vita hverjir koma í heimsókn til mín.

kveðja, Eva Þórey